年宵~

終於可以有一天睡飽了~^^" 嘻嘻~

晚上約了Sam，雪和Jessica食飯
然後再join Howard，Miko，貓仔同埋Gary一齊去行年宵^^

年宵....逼死左咁滯.....=.=" 郁都郁唔到.....
不過氣氛明顯比早兩日來的時候好~^^"
雖然行得好辛苦，但結果竟然都可以買到野^^
我和雪分別買了唔摺和摺既龜龜手機袋，Miko買左龜龜手偶
好可愛既龜龜呀~~~~~~^o^~
大家仲要幫佢地改名^^" Miko果隻叫"深夜不龜"，又簡稱"深龜"~:P
阿雪同我果隻分別叫"無家可龜"和"有家可龜"~哈哈哈~
結果大家仲要係等緊Gary既時候不斷同ｄ龜影相~哈哈哈~好搞笑呀~^^

由九點半行到十二點幾.....=.="
累了.....不過沿途的笑話實在太多了~嘻嘻~
去許留山食埋糖水，結果成一點先至走.....
返到屋企都差唔多兩點了......^^b

Miko話初三黎我屋企打邊爐...希望唔好落雨啦~
哈哈~上次聖誕玩完ｄ野仲係我屋企，又可以再玩多次lu~^^嘻嘻~~!


是日金句：（太多了，很多都忘記了:P）
食飯時......
雪："好後悔yr1果陣無跟科大去南非..."
Jessica："咁咪有企鵝睇lor~" (@.@"....)
結論：原來企鵝進化到可以住係南非........^^"哈哈

語病句
Howard："使唔使送你地呀？"
Miko："咁我話唔使，你會唔會送先？"
（按：無人聽得明呢一句既意思.....=.="""）
結果呢一句被Jessica修正為"咁我話唔使，你係咪就唔送先？"
(按：恍然大悟...原來係咁既意思...@.@ 雖然Miko依然唔覺得佢果句有問題....=.=b)

行經一檔賣豬氣球的攤位....
老闆娘："你要我就揀過隻俾你啦~"
老闆娘："呢隻新鮮d ar~"
老闆娘："呢隻好呀~呢隻岩岩出世架咋~"
（按：好大滴汗........好似去左豬場買豬....哈哈哈~）

話說未行去維園，雪好驚會走失，所以同大家講如果失散左點算...
雪："如果我地失散左，咁我地就去遺失失物兒童認領處度開咪叫自己個名:P"
我："唔係遺失失物兒童認領處，係遺失兒童認領處咋，無'失物'架!"
但係之後唔知點解....
大家將"遺失兒童認領處" 開始變做"遺失失物認領處"，"遺失小童認領處"，"遺失兒童換領處"(汗....係咪可以去"換領"兒童架@.@")
笑死左........哈哈哈~

P.S. 越睇越覺得隻龜龜個頭好似我以前果隻識振既"咕嚕鬼鬼"~~:P 嘻嘻~